– ضرب الحبيب زبيب وحجارته رمان.
– قال لها “حبيني وخدي لك جحش”، قالت له “المحبة ما بتكون دحش”.
– من تمك أحلى يا كحلا.
– من حب عبدة عبدها ولحقها على بلدها.
– شبهوا القلوب بالشقاق… شي سماك شي رقاق.
– مين رادك ريدو، ومين راد بُعدك زيدو.
– كل شي في منو عند العطار إلا حبني غصب.
– حبيبي بحبو ولو كان عبد أسود.
– الطول ما عمره سند حيط، ولا الحسن عمره عمر بيت.
– حبك حب وغضب الرب.
– كل شي تسبيب إلا الجازة نصيب.
-يا آخد القرد عمالو بيروح المال وبيبقى القرد عحالو
– بحبك بزلطك زلط، ببغضك بنطرك عا غلط
– لا دعوة خزقت قميص ولا زلغوطة لبست عريس
– حبك فئش طئش
– حبك برص
– إن كان الغزلة غزلتك. قمصان حرير حتلبسي
– لَبْس العود بيجود
– اسعى بجنازة و لا تسعى بجوازة
________
*مؤسس ورئيس جمعية تراثنا بيروت
